燒肉屋 (清風街)

今日經過天后清風街，聞到陣陣烤肉香味，一睇原來係這間《燒肉屋》的餐廳傳出來，咁啱又肚餓，唔使諗一於入去開餐。入到餐廳，裝修好有日式風味，座位雖然唔算多，但都坐得幾舒服，店員又好禮貌。頭盤～法國生蠔，size適中，肉質Creamy，非常新鮮。跟住係～超長日式牛仔骨，Size真係好長，一路燒一路聞到肉香，食落口肉質好嫩滑，又冇渣，再用塊生菜夾住嚟食，冇咁肥膩，又另外一種食法。薄切A5宮崎和牛後腰肉～呢片肉比較薄身，上下興一下即刻可以點雞蛋和醬汁一齊食，呢片和牛入口即溶，好有牛味，加埋蛋漿更加滑口。蒜蓉牛油帆立貝，帆立貝加上蒜蓉牛油香味，原來可以咁夾，又冇冚咗啲海鮮味，超好食。我哋仲嗌咗兩杯特飲～葡萄愛梳打，海中錦鯉梳打，兩杯都好特別，飲完感覺好清新。總括嚟講，呢間餐廳，食材新鮮，款式又多，同朋友食飯傾偈，不錯的選擇！