老虎岩(第6座)潮式粉麵咖啡

營業中

休息中

大埔真係就好多好嘢食，之前睇雜誌介紹呢間傳統粉麵舖，今日就黎試試。餐廳位於東昌街，係廣福道一轉入去就見到，非常易搵。今日兩點幾黎到，已經可以食下午茶，粉麵三十幾至四十幾蚊不等，亦可以加錢轉雙拼，都算抵食。今日唔食牛腩，試呢個招牌牛三寶配黑松露雲吞河，粉麵有少量蔥花，炸蒜及芫茜佐味，湯頭味道濃郁，飲得出無味精，河粉唔會煮得過淋，牛三寶分別係牛膀，金錢肚及牛筋，當中牛筋煮得好淋好入味。黑松露雲吞都係第一次試，入口濃濃黑松露味，蝦亦爽口彈牙，值得一試。睇返其他食評，先知有牛沙瓜食，有機會真係要試下。