啖啖燕窩 (已搬遷) 新店位置

響觀塘工廈揾食之後就當然要行下街啦。而且一般女仕都係鍾意食下甜品做結尾既。行到五樓呢間舖頭，響外面完全唔會睇到入面既間隔。都有諗過好唔好推門入去既。好彩㨂左推門啫。入面得三張枱，可以坐6個人。周圍都係介紹燕窩、花膠、雪燕、鮑魚等。有教人點煮，又有教話邊類人可以食乜野。有湯水既、有甜品既。睇到餐牌仲知道佢地做外賣添。買得多仲可以免費送貨。鮑魚佢地有紅燒同埋磯煮鮑魚！分別係$68三隻，$78四隻。問老闆邊隻好，佢話磯煮好味d. 咁都真係既！朋友叫左雪燕、我叫左北海道3.6牛乳紅棗杞子花膠，有原隻花膠，紅棗大大隻仲有味既。熱食甜甜地真係唔錯既甜品。呢間商舖仲可以用支付室既收費工具，方便唔帶現金出街既朋友。