西樹泡芙 (T Town North)

營業中

休息中

是日放工同家人吃飯後，去西樹泡芙買返個甜品同飲品享受一下先。一人選一個泡芙一杯飲品，我哋選擇左新野既流心奶黃肉鬆，金莎榛子牛奶布丁，芒椰粒粒蘆薈，雙爆檸茶。流心奶黃肉鬆：新年新希望黃金滿屋，泡芙面佈滿金黃色肉鬆甜甜既流心奶黃加上咸咸地肉鬆，口感好特別都幾夾。金莎榛子牛奶布丁：榛子泡芙有香脆可口既杏仁碎加埋吉士醬同麥提莎。甜甜地食完夠晒開心。芒椰粒粒蘆薈：清新口感甜甜既芒果肉加上椰奶香味。蘆薈粒口感配上芒果甜甜都幾正。雙爆檸茶：檸檬加青檸酸酸地，個檸檬肉都可以飲到，睇住店員手打檸檬。真正係檸檬唔係開水沖。唔係太甜都好味道。而個茶底都幾清爽，味道唔會太濃。