鱷魚泰國餐廳 (已結業)

香港普遍嘅泰國餐館都幾好食，依間都唔例外，見佢係新開，當然要試下啦！青木瓜沙律醬汁味道都偏辣，配埋香甜爽口嘅青木瓜，非常開胃，上面嘅兩隻生蝦，都幾新鮮，有彈牙口感，作為頭盤不錯！生菜包好多時食生菜包，餡料都唔係似普通嘅炒肉碎，冇咩泰國風味！依家嘅餡料就唔同，夠哂香辣，有辛嘅感覺，見佢粒粒肉碎外層多好似包住香料咁，望到都覺得辣！青檸辣椒明爐烏頭魚醬汁幾香，食落唔係幾夠酸同辣，魚肉質較實身，唔夠香滑，普普通通、不過不失！冬陰公材料好多，飲落咸度好夠，味道香辣，層次豐富，食到有鮮味！