Tom N Toms Coffee (已結業)

今日放假, 同朋友係The one 行完街, 又口渴又肚餓, 朋友提議不如飲杯野同食D野, 咁啱經過此處, 見到D座位及室內環境幾好, 見到又唔洗等位, 就入左黎。呢間係韓式cafe 店, 入面除左有不同既咖啡, 紅茶, 拿鐵等多種飲品選擇, 食物都有好多種類, 有奶油吐司, 蛋糕, 同多款pizza。 仲有套餐食物加飲品1set , 都係$65—$75, 一D都唔貴。pizza 份量一D都唔小, 有8件, 鋪滿厚厚既芝士, 同茄汁, 芝士好軟滑煙韌, 伴有粟米同雞肉, 食落口好juicy, 餅底薄薄, 熱辣辣好好味!我叫左個set, 飲水蜜桃冰茶, 唔記得影相, 個冰茶好好飲, 淡淡的水蜜桃味, 又唔會太甜, 剛剛好, 帶有茶香, 消膩。