波士冰室 (已結業)

在荃灣沙咀道，見到一間餐廳門外大排長龍， 好奇心驅使之下去看看，原來是早前曾經在千色匯幫襯過的波士冰室分店，當刻提供麵包優惠，晚上六時後，麵包半價，吸引大批街坊捧場。想念之前食過那美味的農夫包，於是入內晚飯。餐廳有香港地道舊式裝修，幾有特色。雞腿加農夫包組合，香口得嚟又夠飽肚。炸雞髀雖然唔係最健康嘅選擇，不過外層炸到脆口得嚟，雞肉唔會好乾，食落口感相當唔錯。農夫包係碗，麵包烘得脆口，特別是上蓋，塗了一點牛油，再烘，味道更香。麵包裏面挖空，再放入炒飯。 炒飯既乾身又粒粒分明，加入適量雞蛋味道口感俱佳。揀咗雪糕紅豆冰做飲品，雪糕有三款味道：朱古力、雲呢拿同埋抹茶，可惜當日抹茶雪糕售罄，於是改為朱古力雪糕。雪糕的紅豆冰提升了整體甜度，感覺倒也新鮮。波士冰室的十大推介，款款都好吸引，可惜眼闊肚窄，唯有下次再食。