湕承 · 台式便當

營業中

休息中

第一次去海富中心搵食，估唔到二樓一角有咁多家庭式餐廳，行到尾見到這間賣台式便當好似好吸引就試下啦～疫情期間無得去台灣，就唯有食下台灣菜當自己去旅行～餐廳每日有特別套餐：我自己就點左C餐「慢煮牛筋烤台灣腸·滷蛋肉燥飯」。除左套餐，亦可以散叫：朋友就點左「慢煮豬軟骨配台醬乾拌烏冬」。雖然好多人買，但餐廳效率很好，很快就有得攞喇。攞完我地就去附近公園食：單看賣相都已經流口水！這個牛筋果然是慢煮出貨，食落入口即溶，再配合台灣腸微微黑椒風味，非常惹味！另外我都好鍾意有蒜片附送，連住台灣腸一齊食簡直絕配！肉燥飯都絕不馬虎，係用珍珠米配冬菇肉燥，食落口感煙韌，以這個價錢很超值！這杯凍檸檬柑桔蜜酸酸甜甜又滋潤，啱哂而家漸漸變熱嘅天氣！朋友點嘅豬軟骨因為係慢煮所以都好腍，再配合埋醬汁好好味！烏冬口感也不錯👍🏼下次再試下佢其他fusion菜式先👍🏼