沖繩二段料理 (Megabox)

營業中

休息中

今日做完野, 然後去mega box搵食, 行到溜冰場個層, 見到呢間未食過, 睇圖好似幾吸引, 就點左個大蝦海鮮炊飯, 包飲品, 我選左蜜桃紅茶。一Set 野好靚! 蒸籠盛滿豐富海鮮, 有1隻大蝦, 2隻青口, 2件魚柳, 1條蟹柳, 南瓜及菇同菜。不過係凍既, 到時撈落D飯到食。前菜有麻醬豆腐, 同一碟芝士條。杯蜜桃紅茶好冰凍好好飲. 青口帶有海水鹽味, 蝦也煮得很入味, 魚柳嫩滑, 南瓜爽甜。個飯仲有幾個湯底選, 有豬骨味, 蕃茄味, 辣豬骨蕃茄味, 我就選左辣豬骨蕃茄味, 味道幾香濃, 但一D都唔辣,方型飯幾特別, 將飯同湯攪混吃。然後把芝士條, 所有海鮮同菜撈埋一齊, 芝士溶化後, 變成絲狀, 好靚!仲好好味。