影片
更多
2022-07-24
147 瀏覽
大壹燒鵝 (啟田大廈)地址: 藍田啟田道51-67號啟田大廈地下1A, 2-4及6A號舖以前喺藍田讀中學，已經教咗好耐冇過嚟藍田啦。今日同老公喺藍田撐枱腳，我哋兩個都好鍾意食啲小炒，所以嚟咗近地鐵站嘅大壹燒鵝試試 ！餐廳環境乾淨，仲分咗兩層，非常闊落。員工友善，食物種類多，推介！二人套餐例湯： 粉葛赤小豆豬骨湯老火湯味道濃郁同清甜。粉葛有止渴清熱嘅功效，赤小豆就健脾祛濕、利尿消腫。粉葛赤小豆豬骨湯香甜美味，個個都啱飲。叉燒拼油雞香港呢度嘅燒味都唔錯， 試試叉燒同油雞。蜜汁叉燒選用最上等嘅脢頭肉，食落肉質鬆化，肥瘦均勻。加上用咗蜜汁，面層有燶邊，食落脆脆地，而且非常香。叉燒保留到原有肉汁，醃料惹味，好正！油雞雞肉嫩滑，雞味濃郁，皮帶點彈牙。豉油汁味道香濃，撈飯一流！ 燒汁薯仔牛柳粒呢碟餸薯仔同牛柳粒份量多，一上枱就聞到好香。廚師即叫即整，炒得好有鑊氣。薯仔本身有炸過，外表金黃色，外脆內軟。牛柳粒一口size，容易入口，食落肉質鬆化。燒汁味道惹味同牛肉同薯仔混合得好好。白飯兩碗白飯大大碗，熱辣辣。米粒晶瑩剔透，好豐滿，好香。西蘭花炒蝦仁最後仲揀多碟菜。西蘭花淋甜，冇草青味，廚師準備工夫做得
地址: 藍田啟田道51-67號啟田大廈地下1A, 2-4及6A號舖
以前喺藍田讀中學，已經教咗好耐冇過嚟藍田啦。今日同老公喺藍田撐枱腳，我哋兩個都好鍾意食啲小炒，所以嚟咗近地鐵站嘅大壹燒鵝試試 ！餐廳環境乾淨，仲分咗兩層，非常闊落。員工友善，食物種類多，推介！
二人套餐
例湯： 粉葛赤小豆豬骨湯
老火湯味道濃郁同清甜。粉葛有止渴清熱嘅功效，赤小豆就健脾祛濕、利尿消腫。粉葛赤小豆豬骨湯香甜美味，個個都啱飲。
叉燒拼油雞
香港呢度嘅燒味都唔錯， 試試叉燒同油雞。蜜汁叉燒選用最上等嘅脢頭肉，食落肉質鬆化，肥瘦均勻。加上用咗蜜汁，面層有燶邊，食落脆脆地，而且非常香。叉燒保留到原有肉汁，醃料惹味，好正！油雞雞肉嫩滑，雞味濃郁，皮帶點彈牙。豉油汁味道香濃，撈飯一流！
燒汁薯仔牛柳粒
呢碟餸薯仔同牛柳粒份量多，一上枱就聞到好香。廚師即叫即整，炒得好有鑊氣。薯仔本身有炸過，外表金黃色，外脆內軟。牛柳粒一口size，容易入口，食落肉質鬆化。燒汁味道惹味同牛肉同薯仔混合得好好。
白飯兩碗
白飯大大碗，熱辣辣。米粒晶瑩剔透，好豐滿，好香。
西蘭花炒蝦仁
最後仲揀多碟菜。西蘭花淋甜，冇草青味，廚師準備工夫做得好好。蝦仁大大粒，爽口彈牙。另外仲加咗蒜蓉炒，所以特別香。
套餐仲包左兩杯嘢飲。我同老公揀咗凍檸茶同西洋菜蜜。凍檸茶凍冰冰，夏天飲好正。菜蜜唔係好甜，清熱。
張貼
