瀛喜日本料理 (已結業)

今日三五知己黎到荃灣搵野食，突然大家都好想食日式放題，可以狂歡下，朋友介紹過呢間，所以就去試下佢。坐底首先就點刺身，大大盤。海膽超多，好鮮甜，讚!!! 三文魚，甜蝦勁肥美，值得encore! 其實以放題黎講真係好高質素。芝士焗扇貝超好味，勁多芝士，一共encore左三次。食完刺身，就試下壽司。海膽軍艦無得輸，一樣係滿滿既海膽，帆立貝好肥美，啖啖肉。朋友唔食黑松露，所以只點左兩份黑松露三文魚，食落去勁香，好match。天婦羅炸粉唔會太厚，唔油膩。(芝士焗扇貝真係勁好味，所以再encore)火炙鰻魚，蟹棒，三文魚一放落黎己經好香。個人黎講，真係好鍾意火炙壽司，絕對要試!食到最後，雖然戰鬥力己經大減，但最終都係要encore海膽，無得輸。Last少不免要食雪糕，朋友們不斷食雪米糍(都唔知食左有幾多了。。。)，我都唔執輸，食左兩條紫米雪條先走。總括黎講，食物質素高，價錢唔貴，服務又好，下次一定會再黎!!!