緣聚鮮鍋 (已結業)

今日放工同家人黎到放題。入座前先選好湯底，選了日式豬骨濃湯。個湯底味道濃度岩岩好，適合打邊爐夾肉同菜。出面都有好多種類可以拎，有冷盤，打邊爐食品，麵食，熟物，飲品櫃，雪糕櫃。冷盤有八爪魚仔，螺仔都幾好食。打邊爐丸類，腸都多選擇。麵食除左出前一丁仲有不同粉麵，烏冬可以選擇。熟物有炸薯角，炸餃子，炸蝦，雞翼，豬手等等。飲品櫃有好多選擇，有可樂系列，韓式飲品，清酒，自助花茶，仲有熱維他奶。刺身有赤蝦，帶子，吞拿魚，三文魚，榮螺片。赤蝦好鮮甜好味道，帶子口感同鮮味十足。另外，可以用入座qr code輸入落單。西班牙豚肉肉質良好，口感一流。雪花牛油脂分佈平均，入口即溶。響鈴，山根，炸魚皮都係配合打邊爐最佳。雪糕櫃都好多選擇。