漁樂 (喜薈商場) (已結業)

今晚原先約咗舊同事喺長沙灣喜薈商場食日本菜，點知原來逢星期一休息，去咗隔鄰的這間餐廳食晚飯，點左一下食物：1. 泰式冬陰公爐魚$98 - 個湯底好好味，唔會太搶喉，原條鱸魚是炸好的，硬的，所以要留返最後一個菜式去食，等條魚索晒湯及煮入味，要拆開少少肉浸煮。2. 泰式冬陰公爐魚餐加$18食炸素春卷及雞肉沙嗲串燒 - 炸素春卷有驚喜！3. 馬拉盞炒通菜$54 - 做得非常出色，不會太多油，還用泰國的連皮BB蒜，好正宗！係冬天都食到通菜真係好，平時喺街市已經見唔到！4. 泰式海南雞飯$67 - 這個價錢計味道很好，個雞油飯也不錯，兩款醬汁包括辣椒汁及甜豉油。埋單$237，每位消費$119，由於餐廳不算多人及背景不嘈吵，我地吹水吹到9:45才離開。