皇室冰廳 (已結業)

呢一間皇室冰廳之前都有聽朋友講過一次，不過自己真係第一次過嚟食飯！去到長沙灣見客，做完晒啲嘢都已經好嘢啦，所以就走咗入去食晚餐！見到佢哋嘅椒鹽豬扒好似幾吸引，所以就叫咗過嚟試吓！一上枱嘅時候都真係覺得好大碟，豬扒嘅份量好多！我好鍾意呢一度椒鹽嘅香味，上面嘅粒粒好香口！豬扒亦都係好食嘅豬扒，肉質好林，而且外皮煎得好香脆！用嚟送飯真係好爽！好快就會食晒成碗飯🤣最後仲叫咗一杯凍咖啡，呢一度嘅咖啡都真係好有香港茶餐廳嘅風味，非常香！整體來講，呢一間皇室冰廳嘅價錢同埋食物質素非常合理，仲充滿着香港嘅特色冰廳風格添！