沙嗲王 (官塘工業中心) (已結業)

今晚同左一班朋友黎到觀塘呢間沙嗲王小聚，可能因為天氣問題，加上平日，所以客人不多。朋友們各自嗌左飯同麵，再加某兩個小食。當然，最吾少得的就系咖喱豬扒飯，呢個系餐廳的人氣飯類之一。之前就成日都食白咖喱，甜甜地的。而家就試試黃咖喱，都一樣好味，又不會太辣，好開胃，香茅豬扒仲炸得好香口。我地5人之中，都有4個人嗌左呢個黃咖喱香茅豬扒飯，可想而之呢個真系人氣之選。呢個豬扒飯除左有黃、白咖喱之外，仲有沙嗲口味的，味道一樣好味，但個人都比較喜歡黃咖喱。系小食方面，就嗌左個芝士肉醬年糕同新出的蝦肉脆卷（吾記得左咩名，但大概系咁）。年糕配上芝士肉醬相當好味，而新出的蝦肉脆卷點上沙律醬食，味道非常合配。價錢都算合理，份量OK，味道好，好適合同朋友或家人一齊黎開餐。