有您有我 (已結業)

lunch time照例同幾個飯腳去食飯，我和另一位同事都好想食炒一丁，有人就提議去有您有我。反正未去過，亦只係志在食碟炒一丁，所以都冇咩所謂。或者是世界盃的關係，又或者是大勢所趨，這新派的茶記也附設多部大電視，中午一邊看著有線新聞，一邊吃飯也是我的喜好。既然一心來食炒一丁，所以餐牌都冇詳細睇就叫金菇肥牛炒一丁既特餐。$30一個餐，有青紅蘿蔔湯、炒一丁和飲品，價錢合理。湯好快到，當然唔會係老火湯，但都幾清甜，大熱天時飲都幾好。金菇肥牛炒一丁很不錯，唔會太重味，肥牛夠淋，份量亦十足。凍檸業茶都好大杯，幾好。會再來！