極品靚鍋 (已結業)

天氣熱冇阻我哋去打邊爐，最多叫個滋潤啲嘅湯底～呢度冷氣夠，一坐低已經覺得好舒服！我哋揀咗海底椰雪耳竹絲雞滋潤窩，味道唔錯，而且仲有啲竹絲雞喺入面！套餐已經包左飲品，飲品喺櫃自己拎（除咗啤酒）～ 不過天氣太熱，我哋都另外加錢點咗啤酒之後就梗係要瘋狂食肉！美國Prime封門柳只需要灼5秒就食得，好食，牛味較重！澳洲短角牛牛柳都正，肉質夠淋！好欣賞呢度啲肉會寫埋灼幾耐，咁就唔會overcook ，浪費咗啲食材。其他火鍋配料都多選擇，醉雞同埋竹笙幾好，必點推介最後食埋甜品，飽飽的！呢度坐得幾舒服，下次可以叫多啲朋友一齊食。