微笑韓國料理 (已結業)

今日早左放工，走去尖沙咀搵野食，途經厚福街，再望下openrice，見到有間叫微笑韓國料理，又聞說係韓國人主理，於是膽粗粗上去試試! 餐廳在藍馬商業大廈2樓，入到餐廳，有位後生靚靚地的貌似係韓國人的負責人帶我地入座。餐廳入邊有類似包廂的座位，大概有六七個位。地方寬敞，坐得舒適。前菜有凍豆腐同泡菜、腌蘿蔔。泡菜同腌蘿蔔酸辣惹味，凍豆腐嫩滑!海鮮煎泡菜餅，1餅4片，泡菜辛辣、韓式煎餅鬆軟滋味!韓式炸雞沙律，八件炸雞，有翼有槌，香辣過癮，雞肉汁感重，啖啖肉，配上薯條，送酒同汽水一流!!