炑八韓烤 (已結業)

續喜萊、麻蒲、達人之後依間係我第四間食嘅新式韓燒，之前佢響太子已經想試，但因為太多人要排隊就冇試！因為佢依個位係新開嘅，所以暫時人唔多，佢裝修都係韓式味道但我鐘意佢多卡位同埋多啲方檯，因為圓檯可用空間比較少感覺比較迫，叫多幾樣嘢都冇位放！佢依間一個韓國侍應都冇全部中年阿姐阿叔，但佢哋大部分態度親切所以就算少了韓國味還是不錯的！佢同其他店差不多有蛋同芝士粟米任加，食之前仲有一個芝麻醬沙律開一開謂先！佢啲蛋初初睇到啲蛋槳以為唔夠濃，但食落都幾有蛋味！而佢個芝士係用比較有質素的牌子，所以味道濃郁，加埋啲燒肉生菜，真係令你食極唔停！今次試左佢嘅"霜降牛小排"顏色及雪花分佈非常唔錯，烤佢五六成多肉汁同牛肉味道濃郁完全不用點醬料！"烤蒜味護心豬肉"佢比其他感覺新鮮，其他鋪有時真係太乾，同埋充滿蒜香味道，又係唔駛點醬加埋佢非常新鮮嘅菜同芝士，真係人間美味！最後"五花腩"有兩大條，份量比其他店多，燒落亦非常之香口！正！順帶一提佢個桃汁亦好好飲仲有少少肉響裡面添！依間暫時係我心中排第一嘅韓燒！