餃子館

營業中

休息中

住係天水圍都十幾年，一路睇住呢區餐廳越開越多，今日襯住放假，就去新北江睇下有咩食。經過餃子館，之前都係面書見過有介紹，咁就入黎試下啦。餐牌有多款餃子揀，如果想試晒咁多款仲可以叫八式拼盤，亦可以選擇淨食餃子或者加麵。見今日唔係咁肚餓，就選擇食淨餃子，揀左8隻粟米香菇豬肉餃。上檯時香噴噴熱辣辣，餃子餡料十足，食落有粟米甜味，再加上菇既香味，話咁快就食晒8隻。食完餃子後，記得飲埋碗入面既魚膠淮山翅骨湯，非常鮮甜，全無味精，飲完都唔會好口渴。餐廳座位唔多，午飯時間可能要等等位，另外如果想買返屋企既，呢度都有生餃賣，買黎煮麵同打邊爐就一流啦。