知粥嘗樂 (已結業)

廣東人食粥可以調節腸胃！幫助身體排汗，促進血液循環！而且營養容易吸收！又容易消化！尤其天氣炎熱，冇乜胃口就最啱啦！🥣🥣知粥嘗樂🥣🥣呢間粥店整體非常清潔！而且員工好友善！蝦蟹粥粥底煲得非常香綿！口感順滑！足底非常鮮甜美味！足足有一隻蟹嘅份量⋯⋯而且仲有好多蟹膏⋯⋯蟹肉相當新鮮！加上彈牙嘅大蝦🍤成煲粥一個字甜🤩😋⋯⋯炸兩食粥點少得炸兩！外軟內脆灑上芝麻，仲有可以自己任加甜醬丶辣醬丶豉油🤩好食😋煎堆外層脆卜卜加上芝麻！每次都會食！店員仲幫我哋分了四份方便享用添⋯⋯我個朋友係大胃王⋯⋯仲叫埋鯪魚餅！佢仲可以加$9有杯凍飲添⋯⋯餐廳仲提供左晚市套餐！三杯石鍋雞套餐由熱辣辣嘅石鍋奉上！雞件非常鮮嫩！加埋三杯雞嘅醬汁超惹味！而且雞件份量都唔少！因為太好味啦我個朋友將成碗飯食晒！羅宋湯都好好味😋好香濃！順帶一提佢嘅凍咖啡⋯⋯超水準😋