滿小館

營業中

休息中

好多人推介呢間尖東中菜館，食物質素高之餘，價錢亦合理。今日終於黎到一試。✨懷舊蝦多士餐廳推介菜式。多士上加上厚肉彈牙鳳尾蝦同蝦膠，蝦肉鮮尾突出。整體炸至金黃酥脆，出色。✨八味金磚非常喜歡！炸得金黃香脆嘅豆腐磚。內層豆嫩滑，外層炸粉實淨黎得唔太厚，外層調味粉亦好惹味。✨翡翠麻辣爽魚皮魚皮爽脆，少許麻辣好開胃。中間仲有啲中華沙律。✨蒜蓉粉絲蒸元貝元貝好厚肉，火喉剛好，肉質保持鮮嫩彈牙。用返豉油同蒜蓉蒸已經一流。粉絲也索哂鮮味同蒜蓉香。✨火焰古法燒腩叉份量好多，啖啖肉。外層塗上蜜糖之餘仲有桂花糖，另外再帶有酒香。上菜後點火一燒，香味四溢。✨嫩滑酸菜魚叫左細份，但份量都幾多。魚片非常嫩滑，唔腥，骨唔多。酸菜湯底都夠酸帶小辣。其他配料有豆卜、豆芽、米線等。✨茶樹菇燉竹絲雞湯✨松茸准杞燉螺頭湯來再兩客健康老火湯，口喉十足。湯料好足，味道亦濃郁。