影片
港鐵尖沙咀/尖東站 P2 出口
繼續閱讀
電話號碼
26383329
開飯介紹
新派精緻中菜館，佔地面積大，座位闊落。必試招牌菜冰鎮咕嚕肉及清酒煮南非鮑魚。適合與家人聚餐。
繼續閱讀
附加資料
另設獨立廂房私房菜，歡迎預訂
營業時間
今日營業
11:30 - 15:00
18:00 - 22:30
星期一至日
11:30 - 15:00
18:00 - 22:30
公眾假期
11:30 - 15:00
18:00 - 22:30
公眾假期前夕
11:30 - 15:00
18:00 - 22:30
以上資料只供參考, 請與餐廳確認詳情
有關獎賞計劃
一班同學聚會，想搵個地方可以坐得耐啲，冇時間限制，之前見呢間餐廳嘅食評都唔錯，所以就揀咗呢間餐廳當日星期五，餐廳都幾旺場，坐無虛席，不過坐咗冇幾耐，我就發覺好似有啲熱，然後環顧四周，發現餐廳都添置咗唔少風扇，有部份食客要開住芭蕉扇食，我心諗確認訂枱既WhatsApp完全冇提過餐廳有呢個冷氣不足的情況🫠如果唔係當日係星期五，我應該會轉左場🤦🏻♀️問侍應情況，原來餐廳的中央冷氣唔夠，呢個情況持續咗好耐🫤睇咗咁多篇食評，都冇乜人講過有呢個情況，究竟係唔係我感覺有問題？🥹因為臨時臨急都諗唔到轉去其他地方食，唯有試吓呢度啲菜式味道如何，我哋叫咗八味金磚，火焰古法燒腩叉，砂鍋豉油雞，滿貫小炒王，懷舊蝦多士，小館冰鎮甜酸豬爽肉，海鮮湯脆米泡飯，啫啫通菜煲火焰古法燒腩叉，上枱係幾有特色，味道算幾好小館冰鎮甜酸豬爽肉，又係啱打卡，不過份量有啲少八味金磚，算係正正常常懷舊蝦多士，都幾大件，味道算唔錯海鮮湯脆米泡飯，都係正正常常，唔算好出色啫啫通菜煲，正常滿貫小炒王，正常發揮砂鍋豉油雞，做得幾好，雞肉都幾嫩嘢食算係比起普通酒樓好少少，但係越食越熱呢個問題，就扣晒所有分，除非佢個冷氣整好咗，如果唔係我都唔會再嚟食
繼續閱讀
👧🏻😋👅🍽✨尖東闊落中菜廳-🥢 佔地面積大, 間隔開揚; 魚缸活捉是日海鮮拍得住酒樓, 另有4/6/12人套餐適合家庭聚會-▪️薑蔥焗桶蠔 $238🦪 用砂鍋上熱辣辣, 薑蔥芡收晒汁好香濃, 六隻大大隻, 外脆內軟好juicy▫️砂鍋鮑魚雞粒炆飯 $188🍲 份量好多, 夠3-4人食, 鮑汁炆到每一粒飯都好入味, 除左鮑魚雞粒仲有翠肉瓜粒, 食落更濕潤▪️小館冰鎮甜酸豬爽肉 $198🐖 用碎冰撈勻咕嚕肉再反碗上碟, 務求冰鎮效果, 面頭再鋪上士多啤梨同菠蘿, 酸酸甜甜又好睇D▫️避風塘小魚兒 $98🐠 是日用九肚魚, 唔知會唔會因時令轉款, 小魚兒都頗大條😂 但就勝在唔會沾上太多避風塘粉, 冇咁辣可食得出魚鮮味
繼續閱讀
傳統中菜館裝潢, 空間幾大, 座位闊落, 坐得幾舒適。𓆹 小館冰鎮甜酸豬爽肉 $𝟷𝟿𝟾𓆹 椰甘香芒脆蝦球 $𝟷𝟼𝟾𓆹 龍門炒米粉 $𝟷𝟺𝟾𓆹 香煎墨魚餅 $𝟿𝟾𓆹 薑汁棗皇糕 $𝟹𝟾冰鎮甜酸豬爽肉仙氣滿滿, 適合打卡, 豬爽肉外冷內熱, 肉質軟腍, 味道酸酸甜甜好開胃。炸蝦球好大隻, 非常香脆, 外面沾滿椰絲香芒醬, 味道特別。龍門炒米粉裡面有蝦粒, 豬肉絲, 蛋絲, 甜椒同韭王, 食落幾惹味。墨魚餅裡面充滿墨魚粒粒幾有口感, 可以蘸點黑松露醬一齊食。薑汁棗皇糕非常重薑味, 味道唔會太甜, 煙煙韌韌幾好食。
繼續閱讀
有陣時想食懷舊嘅茶點，但係都諗唔到邊度有得食，呢排我就發現咗尖沙咀呢間滿小館有好多懷舊特色點心。我第一次見到依個懷舊紙包骨，肉質鮮嫩多汁，佢嘅肉汁都鎖晒喺個油紙裏面所以好Juicy。而鵪鶉蛋燒賣，就令燒賣有肉香味之外，仲會有蛋香味。干蒸牛肉則展現出簡樸的風味，清淡中透露著牛肉的鮮甜。佢其他點心都好正，蝦餃皇餃皮薄透，鮮蝦彈牙。小籠包更是湯汁鮮美，肉汁鮮甜。香芋蒸排骨肥美適中，而香芋軟腍。如果想要打卡影相嘅話，我就會推薦楊枝甘露凍同冰鎮荔枝串串茄。呢兩款拎出嚟嘅時候，都會有好多乾冰令煙霧彌漫，所以非常之好睇。
繼續閱讀
尖東有間中菜館主打點心同小炒，星期六日中午時段更有精選點心推廣活動。店內環境大，空間感足，座位闊落，適合聚餐。推廣餐牌會定期更換，共六款。鵪鶉蛋燒賣、乾蒸牛肉、錦滷雲吞、懷舊紙包骨、蛋散百花蜜同香芒海鮮卷。燒賣牛肉即叫即整，肉香味出、雲吞蛋散炸至酥脆，薄身唔油膩，當係零食都幾過癮。蒸點有山竹牛肉球，大大粒，帶點咬口、香辣醬皇鳳爪超級入味，唔辣味濃，令人一試難忘、香芋頭蒸排骨份量多，味道清淡，建議搭配鳳爪醬汁。炸物有千絲牛柳酥，外層香口，鬆散，牛肉餡料飽滿、芝士海鮮塔行新派路線，塔皮酥，味道足、奇脆鮮蝦腐皮卷好足料，內裡彈牙。最後記得要買甜點楊枝甘露凍夠凍夠甜，椰香鮮芒卷軟糯可口，出面未見過。
繼續閱讀