影片
更多
2024-06-02
1122 瀏覽
雖然我好鍾意試唔同種類嘅菜式，但對中菜總有一份情意結。而呢一間係我非常推薦嘅中菜館。✨八味金磚炸得金金黃嘅豆腐磚。內層非常嫩滑，外層就好香脆又唔易散，好好味。✨酸辣鳳爪併千葉細細個開始就好鍾意食鳳爪，尤其無骨，食得好滋味😌酸辣味非常惹味！✨蔥油海蜇頭蔥油非常香，配上爽滑海蜇頭，唔錯嘅前菜。✨冰鎮甜酸豬爽肉打卡之選～豬頸肉肥瘦適中，口感彈牙帶點煙靭，肉味濃郁。用冰鎮住別有一番口感。中間仲會有啲水果，例如士多啤梨、菠蘿等，份外清新。✨黃金海虎蝦虎蝦好大隻，蝦肉爽彈。外層配上鹹蛋黃，鹹香惹味。推薦🙌🏻✨脆皮牛坑腩牛坑腩牛味算濃郁，口感帶煙靭。如果再Juicy啲就更理想🤝✨嫩滑酸菜魚顏色好繽紛，賣相不錯。細份份量已經好多，3-4人絕對夠食。魚片嫩滑，骨唔多。酸菜味道濃，酸辣味都夠，其他配料有豆卜、豆芽、米線等。✨茶樹菇燉竹絲雞湯、松茸准杞燉螺頭湯都好足料，火喉十足。不得不讚呢度嘅甜品☺️全部都超級好食！✨椰香鮮芒卷 - 外層係煙韌芒果皮配上椰絲，餡料係鮮甜芒果粒配上椰香忌廉，又香又甜又煙靭又Creamy。✨楊枝甘露 - 口感似布甸般濃厚，而且有非常香濃芒果同奶香。✨椰汁馬豆糕 - 好香滑彈牙，質
✨八味金磚
炸得金金黃嘅豆腐磚。內層非常嫩滑，外層就好香脆又唔易散，好好味。
✨酸辣鳳爪併千葉
細細個開始就好鍾意食鳳爪，尤其無骨，食得好滋味😌酸辣味非常惹味！
✨蔥油海蜇頭
蔥油非常香，配上爽滑海蜇頭，唔錯嘅前菜。
✨冰鎮甜酸豬爽肉
打卡之選～豬頸肉肥瘦適中，口感彈牙帶點煙靭，肉味濃郁。用冰鎮住別有一番口感。中間仲會有啲水果，例如士多啤梨、菠蘿等，份外清新。
✨黃金海虎蝦
虎蝦好大隻，蝦肉爽彈。外層配上鹹蛋黃，鹹香惹味。推薦🙌🏻
✨脆皮牛坑腩
牛坑腩牛味算濃郁，口感帶煙靭。如果再Juicy啲就更理想🤝
✨嫩滑酸菜魚
顏色好繽紛，賣相不錯。細份份量已經好多，3-4人絕對夠食。魚片嫩滑，骨唔多。酸菜味道濃，酸辣味都夠，其他配料有豆卜、豆芽、米線等。
✨茶樹菇燉竹絲雞湯、松茸准杞燉螺頭湯都好足料，火喉十足。
不得不讚呢度嘅甜品☺️全部都超級好食！
✨椰香鮮芒卷 - 外層係煙韌芒果皮配上椰絲，餡料係鮮甜芒果粒配上椰香忌廉，又香又甜又煙靭又Creamy。
✨楊枝甘露 - 口感似布甸般濃厚，而且有非常香濃芒果同奶香。
✨椰汁馬豆糕 - 好香滑彈牙，質地做得好好，一啲都唔易散。椰香、奶香同豆香配合得非常好。
張貼
