瑪麗蓮美國餐廳 (已搬遷) 新店位置

今日lunch 特登由旺角行去太子花墟買開運竹，咁就有機會黎呢間西式餐廳食lunch，以前係太子返工，久唔久就黎食豬扒（好好味）。好耐無黎過，今次多左精選午餐，有四款意粉可選揀，包一杯熱飲。點左「海鮮忌廉意粉」$58第一時間試下d忌廉汁先，好creamy好滑好香吖！撈埋d意粉食真係一流，意粉唔會太淋或太硬，口感剛剛好。海鮮有蜆，墨魚，係好新鮮又唔會”un”，再加左少少香草，真係好好味！至於餐茶我叫左熱檸茶，呢杯就麻麻地。但呢度既咖啡聽聞係唔錯架，可惜我唔飲咖啡！