Mirror & Vegan Concept (已結業)

其實唔係食開素既平時都好少突登會去食素菜，呢日約左朋友食飯，因為佢食素既，就帶左我去間西餐素菜試下。地方唔太大，但環境都幾舒適～小食叫左個炸薯波，份量好多，而且即叫即炸熱辣辣好脆口，配埋個黑松露醬好香口👍🏻主食就叫左一個飯一個意粉一齊share食～試左呢個西蘭花波菜意大利飯，個飯汁好香菜味好入味，而且飯粒裡配左紅蘿蔔粒，食落口好爽口。意粉就試左呢個香辣茄醬手工卷意大利粉，意粉好特別，煙煙韌韌口感好好，會令你食到停唔到口🤣醬汁辣辣地好開胃。整體黎講呢間西餐素菜好有驚喜，估唔到素菜都有咁多款式選擇，而且仲要好好味👍🏻