芋圓圓

營業中

休息中

今晚同朋友剛係太子食完晚飯，本諗住搭車過深水埗 深深甜品食埋個芋圓甜品先返屋企，行行下朋友係openrice 搜尋倒柏樹街呢間好似主打食芋圓，所以諗住近近地試下無防，條街都略偏靜，人流唔多，相信必定要有水準同口碑先可以吸引附近街坊同熟客。呢度點嘅糖水，每碗都會加三種芋圓（紫薯、芋頭、蕃薯🍠）朋友叫左仙草，我就叫左喳咋。先講仙草芋圓，材料除左三款芋圓、仲有仙草、紅豆、紅腰豆、薏米，加埋花奶就更加香滑，呢度嘅芋圓都好出色，煙煙靭靱，蕃薯味最出。喳咋比起仙草略為瞬色，豆唔算多（由於要影相關係，我要先用匙將d豆豆筆上黎先見倒🤣）味道還可以，唔算太甜。果然冇估錯，堂食期間不時見倒好多街坊落黎買外賣🤣呢度仲有可以直接買未煮熟嘅芋圓。