影片
更多
2016-01-08
549 瀏覽
平時夜晚經過呢度都係勁多人，早幾日同朋友食完飯，見到難得唔洗排隊就入來試下。 見有新野! $15(試食價)有芝士tart食之前一直都好想試sogo果間d芝士tart，無奈人龍勁長，好多朋友話排左差唔多一個鍾，但凍gei。。。(o下?)食tart最緊要係熱食先好味，特別係呢d流心美食。個tart來到，見到面層d芝士局得好靚!急不及待切開佢，見到d芝士慢慢流出，勁香阿!食落個皮好脆，但唔係鬆化果種，朋友話應該係牛油比例落得無咁多，所以果種口感係會感覺水份無咁重不過都算唔錯整體來講好好食!值得一試但如果鍾意口感比較鬆化gei皮，咁可能會鍾意半熟工房多d。其實各有特色，呢度gei芝士tart d cheese咸味剛剛好，口感香滑得來唔會太杰或者稀，creamy得來唔會太漏同太甜。 另外同朋友叫左Test Tube 2.0 &佛手柑吉士, 對於鍾意食甜品但又怕太甜gei朋友來講，佛手柑吉士可以話係首選， 因為味道清香，口感滑溜， 酸味係控制得恰到好處，中間有一層士多啤梨雪芭，呢個酸酸甜甜(微酸only)，都唔錯最緊要係唔好過甜。不過個人唔太鍾意側邊d酸莓乾(紅色粒粒)，雖然只係伴碟，但味道麻麻，
另外同朋友叫左Test Tube 2.0 &佛手柑吉士, 對於鍾意食甜品但又怕太甜gei朋友來講，佛手柑吉士可以話係首選， 因為味道清香，口感滑溜， 酸味係控制得恰到好處，中間有一層士多啤梨雪芭，呢個酸酸甜甜(微酸only)，都唔錯最緊要係唔好過甜。不過個人唔太鍾意側邊d酸莓乾(紅色粒粒)，雖然只係伴碟，但味道麻麻，可以換成生果或者走左佢會好d。
Test Tube 2.0朋友話之前食過1.0，話覺得唔錯，所以今次試下2.0，今次食都係好評。呢個最好兩個人share會好d，如果一個人食晒可能會覺得膩，基本上三支tude gei口感都係creamy(輕盈)，整體係唔錯架可以一次過滿足三種口味!staff都算細心，有提我地由清至濃咁去食，可以食到唔同層次gei味道。test tude由右至左分別係asis,百爵紅茶奶凍同特濃朱古力mousse。最like Oasis,味道好似"pina colada"，菠蘿味好出好香而且唔酸，椰子奶凍就清左少少，可能怕搶左菠蘿d味道。 紅茶奶凍d奶味重左少少，感覺好似有d cover左茶味，茶gei甘香要食完先由舌頭末端浮出來。特濃朱古力好香，但如果多少少苦味更佳，唔會越食越甜咁。(可能係因為我鍾意苦味朱古力。)
整體來講，呢度d甜品味道唔錯，環境開揚舒適，幾好坐。甜品賣相好精緻，見到個menu已經比佢溶化左。
半熟芝士tart
$15
29 瀏覽
0 讚好
0 留言
佛手柑吉士
$58
28 瀏覽
0 讚好
0 留言
Test Tube 2.0
$68
15 瀏覽
0 讚好
0 留言
張貼
