路邊煱 (已結業)

趁未踏入炎夏仲可以打邊爐,今日就約埋好朋友一齊去試吓花甲蟹鍋！花甲蟹鍋先到,滾返熱就可以先飲湯同埋食咗海鮮先,花甲又大隻又鮮甜份量都唔少至於隻蟹我哋初時以為會係花蟹點知係一隻超多膏既膏蟹黎,啲蟹膏浮晒上個湯嘅面度,真係非常之吸引!食完海鮮就飲埋佢個湯,個湯胡椒味強勁,飲完成個人都熱晒~每人飲咗兩碗我之後就正式開始打邊爐啦!識得食緊係食手切本地肥牛拼牛頸脊,呢度啲牛肉向來有質素保證,肥瘦適中,自命係牛魔王既你不容錯過!即制脆炸響鈴,放落湯到一秒拎返上黎,已經吸滿晒湯汁,正!手打四寶丸,墨魚丸同埋蝦丸甚為出色!仲叫咗其他打邊爐嘅食物,但係已經食到唔記得咗影相了~