肉骨皇 (已結業)

星期六中午陪亞媽去大坑睇中醫，Lunch首選係肉骨皇，上次食過set lunch 嘅肉骨茶同喇沙都好有水準又好抵食，不過原來午市套餐只做星期一至星期五。唯有睇正式餐牌，menu實在太多選擇，最後亞媽話食馬拉盞炒蘿蔔糕，我就打算食青咖喱配白飯！馬拉盞炒蘿蔔糕 $80 星馬名菜馬拉盞炒蘿蔔糕，上菜嘅賣相非常靚！頂層有金黃色煎蛋，下面夾住大量芽菜炒雜菜，最底層係大大舊煎到香口嘅蘿蔔糕，一碟都有大約6-8舊，份量唔好足！蘿蔔糕沾滿咸咸地又甜甜地嘅醬汁，食落去有蘿蔔絲更顯香甜！推介！🍛青咖喱雞 $98 跟白飯 $15 青咖喱雞用小鐵鍋上菜，質感較為杰身，香料嘅味道很香氣撲鼻，椰汁分量均勻，顯得青咖哩更惹味，啖啖雞肉軟嫩充滿咖哩汁，配菜有茄子、豆角、香葉等，加埋白飯一齊食相當美味！