i kitchen (已結業)

今晚去到觀塘樓上鋪網上訂左既貨之後同家人係附近i kitchen食晚餐。去到店員見我哋拎住咁多野就幫我哋放好話走先拎，抵讚咁就坐得輕鬆好多。睇完餐牌就點左魷魚圈，黑豚豬肉眼，芝士煙肉蛋黃醬意粉，加58轉餐有海膽忌廉海鮮撻同餐湯。魷魚圈：香口好味，又爽口彈牙。海膽忌廉海鮮撻：海鮮鮮味，份量都不少，撻都好香口。餐湯：南瓜味濃忌廉令到湯更香。黑豚豬肉眼：黑豚肉肉味濃，肉汁夠多，肉質良好。芝士煙肉蛋黃醬意粉：蛋黃醬香，混合一起吃真係好味道。餐飲選了薄荷茶同檸檬水都正常。甜品唔算好甜，朱古力味香。