亞玉豆腐花

營業中

休息中

今晚食完飯，咁女朋友就話想食d甜野，但係佢就想話簡單d，唔想食d太花巧嘅甜品，咁我腦海裡面第一時間就唸到亞玉豆腐花啦。跟住就揸車過去食啦！一如既往，都係有條人龍仔，但係好快呀姐姐就清晒條人龍，望一望餐牌!咦！加左價wor!價錢由本來嘅8蚊加到去9蚊，不過唔緊要啦，都係抵食呀！人地唔洗交租咩！咁就叫左一碗熱啦！咁碗豆腐花大約用左幾秒就起左俾我啦！咁我就黃糖同糖水都落晒，份量一如既往都係咁滿，食落去就唔係好熱，暖暖地咁，係最好食嘅時間，食落去就好滑，都係咁有豆味，之後好快極速食晒啦！