靠得住粥麵小館 (形點 II)

營業中

休息中

今日入咗元朗搵朋友行街,喺美孚搭西鐵入元朗都係十幾分鐘真係好方便,行完街喺附近搵啲嘢食下,喺形點商場見到一間平時都有幫襯開其他分店嘅港式粥品店。靠得住粥麵小館 餐廳地方闊落,座位嘅空間感好足夠,裝修亦都好整潔。喺度食嘢感覺真係好舒適。前菜酸蘿蔔,麻辣小黃瓜,蘿蔔酸酸甜甜味道清新,食完真係好開胃。麻辣小黃瓜,唔算太辣,口感爽甜。東江鹽焗雞半隻 ,東江雞雞皮好香滑,雞肉肉質嫩滑,雞皮有少少鹹香,點少少沙薑汁味道更加有層次,食得出雞係好新鮮。魚湯海味粉絲雜菜煲,個湯味道香濃清甜,吸收咗瑤柱,冬菇,魚,雜菜嘅精華,我個人就好鍾意飲呢個湯,貪佢夠清甜。心肝寶貝粥,粥底好綿,好滑。豬潤厚切食落去好有口感,爽口香甜,咁香甜嘅粥喺出面真係好難食到。白灼豬腰豬潤,簡簡單單食到原汁原味,加少少辣椒豉油令到豬膶味道更加有層次,豬潤灼到啱啱好食落去仲係好爽口,加埋旁邊嘅蔥絲花生一齊食,無論味道同口感層次都好豐富,個人覺得呢個係必食嘅推介。