Lúa (已結業)

餐廳裝修好有越南色彩上層戶外座位掛上好多燈籠。打卡影相好地方。睇吓menu 點咗幾款菜式食。街頭小食滋味拼盤有豬肉春卷、秘製柑桔汁雞翼、自家製甘蔗蝦、甘蔗豬串、純魚扎肉三款口味同迷你春卷。秘製柑桔汁雞翼 鬆脆香口配咗秘製柑桔汁食落好好味。甘蔗豬串食落啖啖肉。經典越南法包用咗紙同橡筋扎住更方便進食。法包外層鬆脆用上pate餡料食落好滋味。生牛肉雜錦湯河湯頭牛味香濃 ，安格斯生牛肉肉質嫩滑。有生安格斯牛肉片、牛扎肉、牛肉丸、牛肋骨、牛皮、黑柏葉。岩哂我呢個牛魔王。凍越南百分百甘蔗汁配鹹柑桔甘蔗汁清甜配鹹柑桔好夾。