早安越南 (已結業)

今晚去黃埔戲院睇戲，便順道在附近晚餐，在美食坊找到「早安越南」，決定係呢度食越南菜。淨牛丸湯$47一碗有五粒，另有生菜。牛肉比較多筋，會「痴牙」，但保留到天然的彈性，沒有過份人工的感覺，整體算是不過不失。香茅豬頸肉湯河$58河粉的份量不少，同朋友分每人都夾到兩、三碗。河粉質感非常滑溜，湯底濃淡度適中，不油膩，不錯。豬頸肉肉嫩爽口，香茅味頗重，惹味又開胃。越式炒金邊粉$77金邊粉炒得乾身而且均勻，味道偏甜，配料豐富，大蝦直情啖啖肉，絕對合格有餘！點左三款野食，初時以為未必夠飽，但由於食物分量多，最後飽到肚腩都凸埋出來，都算幾抵食，可以有下次！