河內越式料理 (西洋菜南街)

營業中

休息中

今日嚟到旺角呢間越南餐廳食晚飯，知道佢都有唔少分店，質素應該都有保證，所以就試一試。河內生牛肉湯河粉湯底味道超濃郁，河粉好滑，非常推介！越式手打炸蝦餅（細）因為點咗個河粉，可以以優惠價加配小食，所以就試吓呢個蝦餅。蝦餅大大一件，再切開幾塊，外皮炸得好脆，裏面好彈牙，口感非常好。西貢咖喱牛腩配法包咖喱嘅奶味比較重，牛腩薯仔都煮得腍同入味，配埋蒜蓉法包一齊食，好有滿足感。順化豬肉卷米紙卷米紙卷好大件，裏面仲加咗少少薄荷葉，令味道更加清新。香茅沙嗲雞肉串燒串燒有豬牛雞可以選擇，我點咗雞肉，有三大串，沙嗲醬比較杰身。龍眼冰龍眼冰除咗有龍眼肉，仲加咗杞子，非常足料，而且唔太甜。