河內越式料理 (西洋菜南街)

營業中

休息中

同朋友行吓行吓，行到太子西洋菜南街，馬路兩邊都係食肆，有齊地道或東南亞風味，梗有一款啱食。見到一間越式河粉幾吸引 ，入到裏面有大大幅越南美少女相片，加上優雅裝飾，有一種清新格調。極品牛三寶湯河粉值得推介，材料有生牛肉、牛展及牛丸，非常豐富。大大片生牛肉浸喺湯裏面，軟滑可口，牛展則爽口入味，牛丸Q彈，味道濃郁，配合幼滑河粉及濃香牛肉湯底，非常惹味。朋友點嘅順化豬肉卷撈檬 都好吸引，首先豬肉卷炸得甘香鬆化，肉香四溢，口感有層次。而撈檬混和適量嘅魚露後，入口冰涼又清爽，令人再三回味。我和朋友不約而同點咗椰汁三色冰，有紅豆、綠豆及珍多粉條，三種顏色好吸引，入口甜甜地，咬落軟滑，配埋冰凍椰汁，唔會太甜，消暑解渴。店員服務態度良好，上菜速度快，下次再試埋其他食品，相信可以盡情感受異國風情。