釜之魂釜飯專門店 (淘大商場) (已結業)

今日放假，同朋友去淘大行完街，諗住搵間餐廳舒舒服服食個lunch，無意中發現間店既名叫釜之魂，見個名幾得意同lunch set幾吸引，就去試試。去到好快店員就安排好座位了，個環境都幾舒服，岩哂我同朋友暢談。坐底就睇睇餐牌，睇下有咩好野食，就叫咗個金魂，超有型既名。金魂係店既招牌之鰻魚飯。Lunch Set會包埋餐飲及麵豉湯，暖烘烘德島米飯上鋪上大大塊鰻魚，重量級嘅鰻魚唔只份量十足，特大肉厚既一款，果然實物的肉真的非常厚而且好香好肥美，正！味道剛剛好，有啲蛋絲係入面🥚鰻魚很寛都幾肥美，燒得好香，鰻魚汁唔會太鹹，細骨唔算有好多。另外叫左一碟肥美的玉子燒，味道吃起來會有很香蛋味帶有點甜 。留意一下枱面上就會發現一個神秘既小貼士，如何調節飯粒軟硬度，好細心既教學。