小杬館食坊 (已結業)

今晚跟一班老朋友食飯敘舊, 呢間小杬館係為食友嘅飯堂, 佢喺組群成日都推介比大家, 今晚終於嚟一試, 睇係咪真係咁好食先。食店係舊式飯店, 裝潢比較老餅, 不過都預咗。但佢地既美食多到呢……….除咗家常小菜, 小阮還供應鮑參翅肚等貴價菜.企鵝雞 ($198/一隻）話說訂位時服務員問我訂唔訂雞同埋乳豬, 訂了一隻雞後便告訴朋友訂了一隻鋼管雞, 嚟到先知原來叫企鵝雞, 不過呢隻雞我見大部份食客都有叫, 應該係好嘢。燒好的雞會先給客人看一遍才切件, 熱辣辣真係燒得好鬼香。果然冇介紹錯, 企鵝雞燒得皮脆肉嫩, 薄薄的一層雞皮, 夠脆口, 皮下脂肪幾乎係零, 雞肉醃過才烧, 鹹鹹香香, 嫩滑有肉汁, 好味。潮蠔仔烙 ($88) 蠔仔夠新鮮, 好鮮甜, 下得又夠多, 蛋粉都煎好香滑, 蘸少許魚露食更添鮮味。啫啫芥蘭煲 ($78)用蝦膏、蝦米爆到香噴噴才上台, 鹹香惹味。潮州糖醋麵呢個雙黃面就好一般, 外面唔夠脆口兼油左啲, 撒少許白糖及醋。 流沙包 ($25/三個)呢個又係我指定要叫的甜品。奶黄醬極度流沙, 奶黄香甜又滑溜, 唔太甜膩, 好食。菊花蛋散 （送）問服務員有冇糖水送, 佢好豪爽咁話..