大阪日本料理 (已易手) 新餐廳

朋友介紹，同老婆來試下鐵板燒，有在日本食的水準， 可以一解思鄉病。$362 一個set 好值， 有沙律， 一隻大蝦， 兩件三文魚， 薄燒牛肉 ， 炒菜，炒飯/ 麵，面鼓湯 ， 焦糖多士， 雪糕 。 肉量睇落唔多， 但食完真係好飽師傅㕑藝一流 ， 有心機煮 ， 火喉掌握得好， 蝦肉同魚都做到外香內軟 。 蝦頭煎得好脆 ， 腳都可以食埋 魚皮香脆 ， 配少少辣汁一流 。 我本身唔鐘意食煎三文魚， 好驚佢魚油的腥味 ， 但依度的三文完全唔腥。問返師傅，佢地用剌身級的冰鮮三文，冇過雪， 新鮮程度好好多 。 抵讚👍🏻食完海鮮， 會有漬物蒜頭 ， 一定要試 ，爽脆， 冇生蒜的辛口， 有少少面鼓味。 本來每人有幾粒 ， 師傅見我食晒， 又加俾我， 加埋食左十幾粒😂薄燒牛肉 卷蔥花及蒜片， 有牛味又清爽 。 可以選炒飯/麵 ， 我地兩樣都試晒炒飯炒得粒粒有蛋包， 乾身及香口，唔油 ，開始飽飽地都好快食晒 炒麵醬油味香濃，配紅薑絲解一解滯 ，好夾最好都好飽下， 但個焦糖多士配雪糕真係好夾 ， 肥都要食🙈多士上枱等一下， 等糖醬凝固返變脆。 配埋雪糕一齊， 成餐真係完美。