紅米 (已結業)

大角咀有各式各樣的美食，今次試依間係因為經過個門口見個餐牌有不同既選擇，有焗飯、鐵板、咖哩、烏冬、蛋包飯等等…可以入面慢慢諗。原條蒲燒鰻魚飯：黎到個賣相好似Pepper Lunch咁，佈滿栗米，另外加左芝士，鰻魚好肥美又夠入味，肉質又唔硬。海陸空三拼鐵板:有吉列魚柳+厚豬扒+雞扒，揀左黑椒汁,個餐黎到職員會問個汁想自己淋定幫你淋埋，我就叫佢幫我淋，一淋上去就芝芝聲，食落豬扒唔會鞋口，幾好食，而雞扒好大夠滑, 塊皮煎到脆身, 唔太油，至於，吉列魚柳炸粉唔會過厚，職員淋汁既時候避開左個魚柳黎淋，所以食既時候都重外脆內軟。芝士肉醬薯條：肉醬加車打芝士完全覆蓋薯條，條條都沾滿芝士肉醬。 而且用鐵板上，薯條就唔會咁快凍晒... 超正！最後我地加左兩杯特飲，一杯仙草凍奶茶、另一杯係紅豆凍奶茶，紅豆係一粒粒有口感，唔係一patpat，奶茶夠凍。兩杯奶茶既甜度適中，茶味濃郁，沒有澀味，而仙草味同紅豆味亦沒有被茶味篕過，整體配合得不俗。