丁丁烤魚

營業中

休息中

丁丁烤魚經過見到餐廳有8.8折即刻入咗去食。坐低睇吓menu 有我最愛吃既田雞。決定了叫個田雞雞煲吃。田雞雞煲到了，店員幫我哋撈埋一齊嚟食就會更好味。田雞腿肉大食落大大啖肉，鮮嫩肉彈口。配上惹味既配料好好味。雞肉一樣咁嫩滑惹味。手切本地吊龍吊龍即係牛既背脊內側部位。店長極度推介呢款騸牯牛，肉身豐滿濕潤。食落口感細緻嫩滑，果然無介紹錯。叫咗啲串燒食，餐廳主打即叫即燒。夠哂新鮮熱辣。串燒拼盤有羊肉串/雞肉/豬頸肉各2 串再加咗三文魚鰭，串燒好惹味，放係個爐上面保持熱度，慢慢嘆都唔怕涷哂。泰式燒原隻魷魚烤到金黃色，再配上醬汁開胃又滋味。