成都小巷米線雞煲 (和富道) (已結業)

三五知己飯聚, 最好就係食雞煲+打邊爐. 成都小巷餐廳位於北角和富道, 平時夜晚經過都見到爆場, 今晚都唔例外.任食雞煲烤魚都係$138, 真係邊到搵呀.今次我地揀雞煲, 下次一定要食埋烤魚. 雞煲要小辣, 汁醬味道香濃, 雞件大大隻, 好有雞味, 肉質嫩滑. 任食款式繁多, 有牛, 豬, 瓜類, 菜類基本野, 最特別係有魚肚, 魚肚爽滑彈牙, 吸收哂雞煲嘅醬汁更加美味. 牛肉同豬肉亦係好嫩滑, 手切牛肉, 厚切有口感. 飲品類有好多台灣入口嘅款式, 個人推介柑桔檸檬, 唔太甜又好飲.