影片
更多
2021-09-18
34 瀏覽
今日收工後突然邊爐引又起😋～即刻拉埋幾個朋友一齊去到銅鑼灣嘅阿來客棧淥一淥先～上到渣甸中心二十五樓，一開lift門就見到個招牌，係門口嘅店員好快就招呼左我地4個入座～ 坐低後嘅第一印象係店鋪十分整潔✨，而且座位都十分寬躺！兩個肥仔坐埋一齊都好舒服😂環境方面都無咩好挑剔，咁就講大家最關心嘅食物水準啦😎依度嘅食物可以選擇半份或一份～岩晒最想試更多菜式嘅我地😋打邊爐最緊要就緊係湯底，我哋就叫咗個花膠瑤柱雞湯～ 當個煲上枱嘅時候嚇咗一跳，入邊係勁多花膠同雞件😍 湯底嘅味道鮮甜，係啲餸菜到之前我已經飲咗三碗🤣雞件係可即刻食得，魚花膠因為我哋想食淋啲所以我哋又去煮多一陣先食😜由於好肚餓嘅關係我哋叫咗好多小食，鬼馬墨魚脆口感果然鬼馬，爽彈嘅墨魚膠再加上香脆嘅炸衣，一上枱就俾人瞬間K.O.😂椒鹽鮮粟米賣相一流，食落都幾惹味！泡椒雞腳辣得來好彈牙好正！夫妻肺片啲辣汁都幾惹味，唔會太辣涼拌貓耳朵就正正常常 不過不失火鍋料方面，我地都叫左好多野食！手打牛肉丸肉味十足，仲要好彈牙，直頭可以當乒乓波打貢丸就比牛肉丸要遜色少少，但都係正常水準內油條同響鈴可以話係必叫 放入個雞湯浸幾秒 唔洗點豉油都已經好好味😋牛筋
上到渣甸中心二十五樓，一開lift門就見到個招牌，係門口嘅店員好快就招呼左我地4個入座～ 坐低後嘅第一印象係店鋪十分整潔✨，而且座位都十分寬躺！兩個肥仔坐埋一齊都好舒服😂
環境方面都無咩好挑剔，咁就講大家最關心嘅食物水準啦😎
依度嘅食物可以選擇半份或一份～岩晒最想試更多菜式嘅我地😋
打邊爐最緊要就緊係湯底，我哋就叫咗個花膠瑤柱雞湯～ 當個煲上枱嘅時候嚇咗一跳，入邊係勁多花膠同雞件😍 湯底嘅味道鮮甜，係啲餸菜到之前我已經飲咗三碗🤣雞件係可即刻食得，魚花膠因為我哋想食淋啲所以我哋又去煮多一陣先食😜
由於好肚餓嘅關係我哋叫咗好多小食，鬼馬墨魚脆口感果然鬼馬，爽彈嘅墨魚膠再加上香脆嘅炸衣，一上枱就俾人瞬間K.O.😂
椒鹽鮮粟米賣相一流，食落都幾惹味！
泡椒雞腳辣得來好彈牙好正！
夫妻肺片啲辣汁都幾惹味，唔會太辣
涼拌貓耳朵就正正常常 不過不失
火鍋料方面，我地都叫左好多野食！
手打牛肉丸肉味十足，仲要好彈牙，直頭可以當乒乓波打
貢丸就比牛肉丸要遜色少少，但都係正常水準內
油條同響鈴可以話係必叫 放入個雞湯浸幾秒 唔洗點豉油都已經好好味😋
牛筋腩都好好食，牛味十足，而黑毛豬就肉質彈牙，同埋都好香口下，食完一塊又一塊停唔到口🥰
嘢飲方面我哋叫咗兩支星霞啤酒同一杯青檸流
梳打，係體驗台式美味嘅同時都可以重溫下泰國嘅熱帶風情😎
總括而言依間野環境企理，座位寬敞而且嘢食都有誠意，尤其是個湯底真係十分之正，而且嘢食選擇多！
張貼
