龍手工涮涮鍋

營業中

休息中

我同朋友去咗粉嶺嘅「龍手工涮涮鍋」食雞鍋。 《胡椒豬肚雞鍋 》，材料豐富， 除咗惹味嘅胡椒粒之外，當然有新鮮嘅走地雞同豬肚。加埋咸酸菜同京蔥就知才料十足。一打開蓋， 胡椒香氣四散， 使人一試難忘。 胡椒味道恰到好處， 辣度適中，好食！廚師用上走地雞作烹調，雞味香濃，雞肉鮮甜嫩滑，美味至極， 配上軟嫩豬肚，好滿足！ 《椒鹽粟米》，粟米上面加上特製椒鹽， 特別惹味， 粟米又甜又多汁，味道淸新，口感爽脆， 好食！《手打黑蒜墨魚滑》，味道豐富，加上墨蒜， 味道帶有蒜香甘甜，口感較為結實， 爽口彈牙， yummy ! 即打嘅《手打牛丸》， 味道非常出色， 牛味濃郁， 肉質彈牙， 仲好juicy ，正呀！香氣撲鼻嘅《黑松露水餃》，松露帶有獨特味道， 水餃餡料不油膩，脹卜卜， 好好食， 真係一試便上癮。食雞煲就最啱叫番jar《竹蔗茅根》清清熱氣，味道新甜可口， 可以清熱又清潤 ，正呀！下次再嚟試其他美食。