喜來稀肉 (瓊華中心)

營業中

休息中

耐唔使就會好想食餐韓國菜，今晚就跟老友記，到左呢間位於#旺角 的 #瓊華中心 之 #喜來稀肉，地點夠方便，收工後過來都好快到達。點左餐就出去自助區取醬油同前菜，前菜有幾款，最喜歡香辣泡菜，同食唔厭的大豆芽菜，健康有營。餐廳做緊優惠，like-社交平台 就有幾款肉用特價享用，但必須要經由店落單，方可享用此優惠架。真雪花牛肉，夾起己覺得佢好軟身，牛味濃郁，肉質軟淋，配搭生菜跟醬汁一併入口，滋味滿分💯。海鮮煎餅加入了魷魚、韭菜和蝦仁，粉漿夠香軟，餅皮煎得香脆可口，煎餅好厚身，口感多層次，超級滿足。牛肉石鍋拌飯，拌飯配料豐富，除了牛肉外，還有雞蛋、紫菜、紅蘿蔔絲、菠菜同芽菜，將香辣醬與飯拌均，食到最後仲有脆口飯焦，呢個係暖肚佳品。再叫多杯韓國啤酒🍻，飲醉食飽，真係人生一樂事。