Running 燒 (已結業)

朋友介紹popcorn有間抵食韓燒，晚上一放工就專程過黎將軍澳試一試佢舖頭門面闊落，坐得都好舒服，店員都熱情helpful，一坐低就會主動過黎介紹店鋪嘅設施同食物望一望menu，品種都幾多下，豬牛羊雞海鮮熟食，出面自助區提供嘅飲料小食雪糕質素都唔差。我地就每樣都嗌左啲，淨係牛肉都有好多品種，肥牛，雪花牛，西施牛，牛仔骨等等，放上烤爐燒一陣就食得，唔使點醬料已經好夠味，每一塊都嫩滑多汁海鮮方面都有大蝦同生蠔，每款質素都對得住價錢，蝦肉爽口冇雪味。最盞鬼嘅係，呢間鋪頭會用機械人送餐，我地嗌左啲熟食都係由呢部貓仔機械人送黎，一路行過黎一路播住ansonlo嘅歌，認真過癮最後用美味泡芙作收尾埋單兩百幾蚊一位，性價比一流，值得推介！