뽀끼 正宗韓國小食 (已結業)

今日同朋友黎到呢間店鋪細細，但卻有勁多韓式美食嘅Bbokki, bbokki 讀音好可愛，好易記。望住餐牌，全部都好吸引，樣樣都好想試，但食唔哂咁多，所以我地只叫左好幾樣，當然有我最愛嘅炒粉絲，呢d粉絲唔同於本地嘅果種粉絲，呢種味係好特別，成個醬都好好味，味道適中。中有星星炸雞，4粒好似星球咁大粒嘅炸雞比醬包圍住，雞肉肉質嫩滑皮超級脆，醬汁勁爆juicy，同炸雞襯到絕，中可以解腻嘅感覺，份量同朋友share岩岩好。呢個粉絲卷係紫菜包住粉絲再拎去炸嘅小食，配上年糕專用嘅醬汁再一齊食，口感佳而且味道好。芝士條，入面嘅芝士可以拉到好長好長，軟綿綿，炸得又香又脆，個醬汁都好好味，店員中貼心咁話比我地知要食左呢個先，如果唔係芝士就會變硬，口感會無咁好。魚肉年糕卷係一大條年糕比魚肉卷住，年糕煙煙韧韧，有嚼勁，魚肉都好鮮味，配埋醬汁一齊食先會達到最好味嘅境界。