首首.韓式小館 (已結業)

今日中午接女朋友放工，過左去灣仔食飯。女朋友番工辛苦，男朋友當然要照顧一下佢身體。知道利東街有間高質素韓式餐廳，一早訂左位同佢食個lunch！假日都有lunch set供應，我地一人叫左一個餐。前菜和清湯先到，有中華沙律、淮山漬、泡菜。我叫左炒辣雞肉配年糕，辣度十足，女朋友怕辣食唔到，我覺得好香口好滋味。雞肉份量多好大年，掛上辣汁，入口香嫩香口，年糕煙韌好有咬口！女朋友叫左傳統五色石鍋飯，有一隻半熟煎雞蛋，飯粒有飯焦好香口脆卜卜，蔬菜份量好多！我地最後叫左一客雪糕，加上焦糖醬和果仁，超滋味。