越味皇 (已結業)

老公生日翌日，陪佢撐下枱腳，揀左佢鍾意食既東南亞餐-越南野。呢度8點都仍然滿坐，不過只係等左一陣就安排到位，侍應好爽手做野好快👍🏻野食方面我地叫左個柚子鮮蝦沙律，原來都有D🌶，老公唔係太食得🌶，但都話🌶得黎好味，好多大大舊柚子（見下圖），兩隻蝦亦好新鮮彈牙👍🏻第二叫左串燒，因為得2個人，少少地叫一份好啦！牛肉串燒得好好，一D都唔乾，仲好入味，個沙爹醬都好味👍🏻第三叫左炸軟殼蟹，好大隻🦀，有時食到果d真係好瘦小，呢味啖啖肉好正，炸粉亦好薄，好好味👍🏻第四叫左個咖哩牛腩煲，配左個用好得意既鴨鴨籃裝住既法包（好鍾意個籃），牛腩份量好多，咖哩唔🌶好香，塊包係一般食店一倍厚，所以飽得滯食唔哂d包🤦🏻‍♀️最後上既係小食拼盤，有雞翼，春卷，庶蝦，濱海，濱海同雞翼好普通，一讚係庶蝦同春卷，疑似自家制，因為好大件，同一般出面食到既唔係好一樣，好好食👍🏻兩個人咁食法真係好飽，但慶祝生日就係咁架啦，最後都只係食淨一舊舊法包，勁呀👍🏻